Serbski centrum Łužiski cyrkwinski dźeń w Zhorjelcu minjenu sobotu na wšelake wašnje wobohaćił

Na Łužiskim cyrkwinskim dnju Ewangelskeje cyrkwje Berlin-Braniborska-šleska Hornja Łužica (EKBO) a Ewangelsko-lutherskeje krajneje cyrkwje Sakskeje (EVLKS) je so wot pjatka hač do wčerawšeho w Zhorjelcu přibližnje 15 000 ludźi wobdźěliło. Cyły kónc tydźenja je měrniwa a wotewrjena atmosfera z mnohimi zajimawymi a konstruktiwnymi rozmołwami knježiła. K tomu přinošowali su poskitki Serbskeho centruma na Delnim torhošću. Dohromady wotměchu 150 zarjadowanjow na 30 městnach w Zhorjelcu.