Tež přinošk wo serbskej drastowej zběrce zapřijaty

póndźela, 25. julija 2022
artikl hódnoćić
(0 )
Ulrike Telek (nalěwo) je zhromadnje z Andreju Geldmacher na spisu Muzeja Budyšin „Žida, somot a nadobny cworn“ dźěłała. Tež přinošk wo drastowej zběrce Serbskeho muzeja je do publikacije zapřijaty.  Foto: Carmen Schumann Ulrike Telek (nalěwo) je zhromadnje z Andreju Geldmacher na spisu Muzeja Budyšin „Žida, somot a nadobny cworn“ dźěłała. Tež přinošk wo drastowej zběrce Serbskeho muzeja je do publikacije zapřijaty. Foto: Carmen Schumann

Budyšin (CS/SN). Jako takrjec rozžohnowanski darik bě wjelelětna tekstilna restawratorka Muzeja Budyšin Ulrike Telek 2018 wosebitu wustajeńcu „Žida, somot a nadobny cworn – hornjołužiska drasta wot 1800 do 1870“ kuratěrowała. Tehdyši wobšěrny katalog pak njeje jenički trajny wuslědk přehladki. Dokelž bě telko maćizny, su so rozsudźili, dalšu publikaciju k temje wudać. Nětko su ju jako lětni spis muzeja wozjewili, a tež jako wuměnkarka je Ulrike Telek hišće na knize dale dźěłała. Sobudźěłaćerjo z třinaće muzejow Hornjeje Łužicy su do njeje přinošowali, mjez druhim předstajeja tež swoje zběrki k temje tekstilije. Mjez nimi je zdobom přinošk muzeologowki Budyskeho Serbskeho muzeja Ilony Bierlingoweje, kotraž rozprawja wo drastowej zběrce swojeho domu.

Na knižnym předstajenju minjeny pjatk podšmórny direktor Budyskeho muzeja dr. Jürgen Vollbrecht, zo bě jara zwjeselace, zo ani jenički muzej njeje sobuskutkowanje wotprajił.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND