Naslědny, po wobsahu a hudźbje wjeloraki festiwal při Miłočanskej skale
Miłoćicy (SN/bn). Swjećić bjez wobmjezowanja a zdobom palace towaršnostno-politiske wužadanja wobkedźbować – tak hodźał so lětuši festiwal Meta Solis jaknje zjimać. Dohromady něhdźe 200 wopytowarjow dožiwi minjeny kónc tydźenja při Miłočanskej skale zarjadowanje, na kotrymž cyłkownje dźesać serbskich, němskich a mjezynarodnych DJjow nimale dospołny spektrum aktualneje elektroniskeje hudźby – mjez druhim house, psytrance, jungle, EBM (electronic body music), IDM (intelligent dance music), „klasiski“ techno a downbeat, na analognymaj tačelakomaj runje tak zwoprawdźene kaž z pomocu najnowšeje digitalneje techniki na přikład wot Idy Bux, Tak-a-Tak, Knytla, Gamze Ya, Ignomusa, Luoka a Zikade –, wjacore dźěłarnički a diskusiji nastupajo brunicu a z njej zwisowacu strukturnu změnu.