Wjesne tradicije w 1950tych lětach

wutora, 08. nowembera 2022
artikl hódnoćić
(0 )
Jurij Łušćanski poda wopytowarjam lětsa poslednjeho zarjadowanja rjadu „Łužiske dohlady“ zarys wuwića „běžacych wobrazow“ we Łužicy.  Foto: Stefan Cuška Jurij Łušćanski poda wopytowarjam lětsa poslednjeho zarjadowanja rjadu „Łužiske dohlady“ zarys wuwića „běžacych wobrazow“ we Łužicy. Foto: Stefan Cuška

Budyšin (SN/bn). We wobłuku zhromadneho rjadu Nysoweho filmoweho festiwala, Serbskeho ludoweho ansambla, Domowiny, Kamjentneho domu, Serbsko-němskeje syće Łužycafilm a Załožby za serbski lud „Łužiske dohlady“ dožiwi minjeny pjatk 15 zajimcow na žurli SLA prezentaciju třoch dokumentacijow, nastatych w 1950tych lětach jako wučbne paski. Film „Rockenstock und Zamperstrauß“ wotbłyšćuje wjesne tradicije w srjedźnej a Delnjej Łužicy, kaž na přikład plahowanje a předźěłanje lena kaž tež camprowanje. Produkcija „Wenn Jan und Lenka Hochzeit machen“ doku­mentuje serbski kwas. „Hexennacht ­und Maientanz“ pokaza chodojtypalenje a mejemjetanje w Hornjej Łužicy. Režiser wšitkich filmow je Hans-Günter Kaden, scenarije su z pjera Měrćina Nowaka-Njechorńskeho a Jana Meškanka. Hudźbu za nje běštaj Jurij Winar a Helmut Fryča skomponowałoj. Z nimaj „twori so zdobom móst k jubilejej 70lětneho wobstaća SLA, wšako běštaj jako direktor resp. ­chórowy nawoda prěnjej načolnikaj ­ansambla“, intendant SLA Tomas Kreibich-Nawka podšmórny.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND