Wjelk njeje plyšowe zwěrjatko

wutora, 24. januara 2023
artikl hódnoćić
(0 )

CDU chce změnu: Nihdźe na swěće njeje telko wjelkow kaž pola nas

Drježdźany (SN/mb). „Ludźo su zadwělowani“, zjima Georg-Ludwig von Breitenbuch, naměstnik předsydy frakcije CDU w Sakskim krajnym sejmje, w rozmołwje ze Serbskimi Nowinami (SN) situaciju tych, kotřiž su na přikład jako plahowarjo wowcow wot nadběhow wjelkow na swoje stadło potrjecheni. Najebać wotškódnjenje „wostawa ludźom wšědna nałožena próca a stajne přepruwowanje wotwobaranskich připrawow“. Tohodla su w najsylnišej knježerstwowej frakciji Sakskeje pozicisku papjeru za přichodne wobchadźenje z wjelkom w Sakskej, Němskej a Europje naćisnyli, kotraž SN předleži. Pod hesłom „wjelk njeje plyšowe zwěrjatko“ su so fachowcy křesćanskich demokratow dotal najraznišo tutu łoskoćiwu tematiku nastupajo słowa ­jimali. Kónc měsaca chcedźa papjeru w frakciji dodiskutować a do koalicije ze Zelenymi a SPD přinjesć. Zo tam ke konfliktej dóńdźe, je von Breitenbuchej jasne, ale njewobeńdźomne.

wozjewjene w: Politika
Prošu přizjewće so, chceće-li komentar podać

słowo lěta 2022

nawěšk

nowostki LND