Nowy rjad z běłorusko-serbskim wječorom zahajili

Nuknica (SN/bn). „Jutry nimo – Kino fever“ rěka nowy rjad towarstwa Barakka, z kotrymž chce „předewšěm filmy prezentować, kotrež so druhdźe lědma – jeli scyła – pokazuja“. Zdobom wotbłyšćuje rjad dźěl noweho koncepta, „wuhotować wob lěto wjace, za to pak skerje mjeńšich zarjadowanjow“ a „festiwal Nukstock openair jako wulki wjeršk wot klětušeho bienalnje organizować“.