Kazachstan a Ukraina z ćežišćomaj Choćebuskeho filmoweho festiwala

Choćebuz (SN/bn). Dohromady 140 produkcijow ze 40 krajow inkluziwnje někotreježkuli (pra)premjery a wobšěrny ramikowy program w resp. na cyłkownje jědnaće hrajnišćach – 33. Choćebuski filmowy festiwal (CFF) je po słowach wuměłstwoweho direktora swjatka Bernda Budera „dotal najwjelebóčniši“. Wosebje w fokusu předewšěm na kino wuchodneje Europy wusměrjeneho festiwala stej Kazachstan a Ukraina. Jako zahajenski film předstaja 7. nowembra produkciju Grit Lemke „Pola nas rěka wona Hanka“, jako zakónčenje prezentuja 12. nowembra prapremjernje „Cottbus Kopflos“, najnowšu epizodu telewizijneje serije „Polizeiruf 110“.