Dalšu profesuru za institut na Lipšćanskej uniwersiće pak wšitcy chcedźa
Lipsk (SN/mb). Dźeń wotewrjenych duri na Lipšćanskej uniwersiće běše tež wčera Institutej za sorabistiku składnosć, zajimcam informacije wo swojim dźěle serbsce a němsce w přednoškomaj poskićić. Přišoł pak zaso nichtó njeje. Najebać to ma institut, kaž jednaćelski direktor prof. Edward Wornar našemu wječornikej praji, „małe stabilne ličby“, w nětčišim zymskim semestrje štyrjoch nowačkow. Wopyt rjadownjow serbskeju gymnazijow z Budyšina a Choćebuza pak je dotal wjele młodostnym puć rubał, so ze sorabistiku zeznajomić.