Liški rozsudnu partiju přěhrali

wutora, 02. apryla 2024
artikl hódnoćić
(0 )
Jake Coughler (92, Liški), Lane Scheidl (23, Liški), Brandon Maxwell (31. Kassel), Max Faber (63, Kassel), Steven Seigo (49, Kassel) wojuja wo puk.  Foto: Thomas Heide Jake Coughler (92, Liški), Lane Scheidl (23, Liški), Brandon Maxwell (31. Kassel), Max Faber (63, Kassel), Steven Seigo (49, Kassel) wojuja wo puk. Foto: Thomas Heide

EC Kassel Huskies –

Łužiske lodohokejowe liški 4:1

(1:0, 0:0, 3:1)

Liški wjeselachu so wosebje nad wurunanjom 3:3 w playoff seriji na tutu rozsudnu sedmu partiju. A tež přihladowarski blok Běłowodźanow w Kasselu bě chětro napjelnjeny.

Hosćo z Łužicy sadźichu prěni akcent hižo po dwaceći sekundach. Brandon Maxwell móžeše wutřěl parěrować. Liški­ koncentrowachu so na to, štož su cyłu sezonu najlěpje přesadźili, na defensiwne dźěło. Z tym móžachu agresiwne wašnje hraća Huskijow spočatnje derje kontrolować. Prěnje chłostanje sydaše w 14. min. za domjacych, Běła Woda pak lěpšinu njewuži. Krótko na to dóstachu hosćo tohorunja chłostanje. Kassel wuži móžnosć a docpě prěnje wrota wječora w 17. min. kotrež třěli Tristan Keck.

wozjewjene w: Sport
Prošu přizjewće so, chceće-li komentar podać

Serbska debata

nowostki LND