Namóc we wólbnym boju: Łužiscy politikarjo sej jasnu wotmołwu přeja
Budyšin (SN/MiP). Z wotmachom je brutalny nadpad štyrjoch młodostnych na Matthiasa Ecke, načolneho kandidata sakskeje SPD za europske wólby, pjatk tydźenjenja w Drježdźanach, zjawnosć a politisku towaršnosć „wubudźił“. Politikarjo wšitkich stronow su njeskutk zasudźili a sej jasniše, krućiše pochłostanje skućićelow žadali. Nutřkowna ministerka zwjazka Nancy Faeser (SPD) žadaše sej „jasny STOP-signal“, kotryž dyrbjeli nětko stajić. Hižo štyri dny pozdźišo su so nutřkowni ministrojo zwjazkowych krajow a zwjazka na to dojednali, zo ma so chłostanske prawo na dobro wěstosće politisce angažowanych přepruwować z cilom, zo so sylniše chłostanja zawjedu.