Nalada zawodow zaćěmnjena

štwórtk, 30. meje 2024
artikl hódnoćić
(0 )

Nowe woprašowanje mjez rjemjeslniskimi předewzaćemi Sakskeje

Drježdźany (dpa/SN). Dale trajaca kriza němskeho twarstwa wuskutkuje so negatiwnje na naladu sakskeho rjemjesła. Tam knježitej dale njewěstosć a njedowěra hladajo na wočakowanja do přichoda. Tole rjekny jednaćel zwjazka rjemjeslnikow Sakskeje Andreas Brzezinski wčera při předstajenju konjunkturneho woprašowanja 2024 w Drježdźanach. Wulki dźěl zawodow liči přichodny čas z chabłacymi nadawkami a wobrotami. „Wo wožiwjenju konjunktury znajmjeńša w rjemjesle njemóžemy tuchwilu rěčeć“, Andreas Brzezinski rjekny.

Ze stron politiki pobrachuja nastorki za inwesticije a wěstota planowanja, za zawody runje tak kaž za přetrjebarjow, Brzenzinski skoržeše. Nimo zdźeržliwych priwatnych domjacnosćow poćežuja zawody pobrachowacy fachowcy, njewěste wuwiće danje, wysoke kóšty energije a běrokratija. Politika měła „skutkowne impulsy dawać“, zo móhło so rjemjesło „z konjunkturneje nižiny wudrapać“.

wozjewjene w: Kraj a swět
Prošu přizjewće so, chceće-li komentar podać

nowostki LND