Waršawa. Na 70 lět dźěławosće zhladuja lětsa w Instituće slawistiki Pólskeje akademije wědomosćow (IS PAN) we Waršawje. K tomu přewjedźechu minjeny štwórtk wosebitu swjatočnosć w špihelowej žurli Palasta Staszica, na kotruž běchu tež partnerow z najwšelakorišich kooperacijow přeprosyli. Jako zastupjer Serbskeho instituta wobdźěli so wotrjadnik rěčespytneho wotrjada Fabian Kaulfürst na zarjadowanju. Hłowny dźěl zetkanja tworještej wědomostnej debaće wo přichodźe slawistiki w Europje.