Lubin/Budyšin (SN/mb). „Z tym su wšitke za twar trěbne ležownosće zaručene.“ Tuta sada je w meji była dobre poselstwo, kotrež je załožbowa rada nastupajo plany za „Serbski forum wědy“ na Lawskim arealu w Budyšinje wozjewiła. Ale nětko je wšitko hinak. Na kóncu wuradźowanja gremija zašły štwórtk bě jasne: Wuslědk wubědźowanja architektow a z tym model nowych twarjenjow na nětčišim ladźe wosrjedź Budyšina je z wobzamknjenjom čo. 722 makulatura. Časowy plan za zwoprawdźenje najwjetšeho inwesticiskeho projekta w stawiznach Serbstwa je rada faktisce cofnyła.