Mannheim (B/SN). Lětuša „Mila nabožinow“ w Mannheimje wupadnje. Po měnjenju organizatorow cyłkowne „politiske połoženje njedowola, z njewobćeženym začućom so na zarjadowanju wobdźělić a sej k tomu hosći přeprosyć“. Někotre skupiny su hižo wotsamo wotprajili, kaž židowska wosada. Dołhe kryte blido měješe wot ewangelskeje ke katolskej cyrkwi znowa zajimcow k bjesadźe a zhromadnosći pohnuwać.

Prěnja biskopka

Wien (B/SN). Maria Kubin je prěnja biskopka připóznateho nabožneho zhromadźenstwa, starokatolskeje cyrkwje w Awstriskej. Wona, kiž je w tradicionalnej romsko-katolskej swójbje wotrostła, nosy mitru, hrudźny křiž a biskopski kij. 40lětna psychoterapeutka přestupi k starokatolskej cyrkwi, w kotrejž bu po rozsudźe synody 1997 ordinacija žonow zawjedźena.

Ličba lutheranow na juhu stupa