LSV Hory – SJ Chrósćicy 2:7 (0:1)

Zestawa SJC: Škoda – Graf (65. Mark), F. Cyž, Dźisławk, Zynda, L. Zahrodnik, Hawš, Kral-Zahrodnik (76. Wornar), ­Šiman (76. Matik), Bjeńš (80. B. Donat), Bogusz (80. Młynk)

W njewšědnym času dopołdnja napoł jědnaćich je sudnik njedźelu hru Chróšćanow na Horach zahwizdał. Koparjo ze wsy blisko Wojerec běchu zašłu sezonu suwerenje postupili a z dwěmaj dobyćomaj wuspěšnje do noweje hrajneje doby we wokrjesnej wyšej lize startowali. Chróšćenjo pak chcychu na hórku poražku w derbyju reagować. A to woni tež hnydom wot spočatka činjachu.