Běhanje w Němskich Pazlicach
Lóštna ludosportowa akcija „Wotběhanje hodowneje husycy“ přewjedźe so w Němskich Pazlicach lětsa na druhim hodownym swjatym dnju, 26. decembra, jako ludosportowy běh na čarje 5 kilometrow. Jubilejny 25. nakład započnje so w 10 hodź. Loni bě do Němskich Pazlic při 6 stopnjach plus 320 sportowcow přichwatało. Čara wokoło tak mjenowaneho Wulkeho hata ma płony profil.
Halowa kopańca w Delanach
Póndźelu, 29. decembra, přewjedu so w Ralbičanskej sportowni hnydom wjacore dorostowe koparske turněry. Na tutych wobdźěla so cyłki SJ Njebjelčicy, SJ Chrósćicy 1981, ST 1922 Radwor, ST Marijina hwězda, ST Wóslink/Skaskow, Módro-běli Kulow a hosćićel Sokoła Ralbicy/Hórki. Wot 8.30 hodź. hraje młodźina F, 11.45 hodź. młodźina E a wot 15 hodź. młodźina D. Wot 18.30 hodź. přizamknje so interny turněr dorosćenych. Na nim wobdźěla so wšitcy koparjo prěnjeho a druheho mustwa, młodźiny B, młodźiny A a starych knjezow.
Roschek patron we Worklecach
