Budyšin (CS/SN). Přećiwo šćipatej zymje wšak njejsu tepjene ławki w Budyskej tachantskej cyrkwi wjele wuskutkowali. Najebać to je minjeny pjatk wjele ludźi do Božeho domu přišło, dokelž lubjachu sej w zwisku z „Budyskej narěču“ dokładniše informacije wo tym, što so w USA tuchwilu stawa. Za to njejsu lěpšu re­ferentku namakać móhli kaž Cathryn Clüver Ashbrook. Sobudźěłaćerka Bertelsmannoweje załožby je jako dźowka Američanki a němskeho nana we woběmaj towaršnosćomaj doma.