Brüssel (dpa/SN). Nowe sankcije přećiwo Iranej su wonkowni ministrojo EU na swojim dźensnišim posedźenju w Brüsselu wobzamknyć chcyli. Z chłostanskimi naprawami přećiwo wosobam a organizacijam reaguja na brutalne poraženje protestow a na trajacu podpěru ruskeje nadpadniskeje wójny přećiwo Ukrainje ze stron Irana. Móžno je, zo zastopnjuja iranske rewoluciske gardy jako terorowu organizaciju. Do dołhim wahanju Francoska naprawy nětko podpěruje.

Skorža přećiwo knježerstwu

Lipsk (dpa/SN). Skóržbu Němskeje wobswětoweje pomocy DUH přećiwo zwjazkowemu knježerstwu su dźensa na Lipšćanskim zwjazkowym zarjadniskim sudnistwje wobjednawali. Při tym dźe wo prašenje, hač je klimu škitacy program knježerstwa z lěta 2023 dosahacy. Wobswět škitacy zwjazk DUH chce ze swojej skóržbu razniše naprawy přesadźić. Zwjazkowe knježerstwo so skóržbje wobara. Berlin ma naprawy za wunošne.

IP-adresy tři měsacy składować