Washington (dpa/SN). Prezident USA Donald Trump zasadźuje so po skónčenju poslednjeho wulkeho zrěčenja wo atomarnym wotbrónjenju mjez Ruskej a USA za nowe zrěčenje. Fachowcy za atomowe brónje měli lěpše a moderniše zrěčenje zdźěłać, kiž saha daloko do přichoda, piše Trump na swojej internetnej platformje Truth Social. Dotalne zrěčenje New Start, 2010 mjez USA a Ruskej wotzamknjene, je wuběžało. Z nim běchu ličbu atomowych bombow wobmjezowali.

Honorary ničo njewunjesli

Berlin (dpa/SN). Najebać přidatne wudawki miliardow eurow za lěpše rozdawanje terminow lěkarjow je so połoženje za zawěsćenych dale pohubjeńšiło. Tole zwěsća zwjazkowy zličbowanski zarjad. Wotpowědny zakoń za terminowy serwis a lěpše zastaranje z lěta 2019 měješe z přidatnymi honorarami čakanske časy skrótšić. „Tole njeje so docpěło“, zličbowanski zarjad piše. Hač do srjedź 2024 su chorobne kasy 2,9 miliardow eurow wudali. Čakanske časy njejsu pak krótše.

Unija zhubja, SPD přidobudźe