Zapósłanča Sakskeho krajneho sejma najnowše ličby předstajiła

Drježdźany (dpa/SN). Scena reichsbürgerow w Sakskej so tuchwilu dale njewuwiwa. 2025 je so wona hladajo na ryzy ličby samo pomjeńšiła. Kaž z wotmołwy na naprašowanje zapósłanče Sakskeho krajneho sejma Juliane Nagel (Lěwica) wuchadźa, přisłuša tutomu spektrumej aktualnje­ něhdźe 3 000 wosobow, 79 z nich prawicarsko-ekstremnej scenje. Lěta 2024 běchu z něhdźe 3 100 čłonami dotal najwyši staw zwěsćili. Do toho bě ličba spochi stupała. Před dźesać lětami bě wustawoškit reichsbürgerow wobkedźbować započał.