Nowy nastork za wjac transparency w měšćanskej a wokrjesnej politice

Budyšin (SN/mb). Frakcija Lěwicarjow a Zelenych w Budyskim wokrjesnym sejmiku je namjet zapodała, zjawne posedźenja gremija přez livestream w interneće wšěm zajimcam spřistupnić. Tak je to hižo w Zhorjelskim wokrjesu z wašnjom. Niwow transparency rozsudźacych komunalnych gremijow je na ru­ninje wulkich městow našeho regiona ekstremnje rozdźělny. Zjawne wuradźowanja Wojerowskich měšćanskich radźićelow njemóžeš jenož online sćěhować, ale sej tež natočene posedźenja na youtube wobhladać. Poslednje posedźenje měšćanskeje rady kónc januara je mjeztym na přikład něhdźe 800 ludźi na ­wědomje brało. Cyle hinak je to w Bu­dyšinje: Schadźowanje wolenych komunalnych politikarjow tu ani zastupjerjo medijow fotografować njesmědźa.