Mons (dpa/SN). Iranskeho raketoweho nadpada na Turkowsku dla zwyša NATO alarmowu hotowosć swojich rakety wotwobaracych systemow. Naprawu je rozkazowar komanda wojerskeho lětarstwa NATO přikazał. Tole zdźěli rěčnik hłowneho wojerskeho sydła NATO w belgiskim Monsu. Komander nimo toho poruča, hotowosć NATO na wysokim niwowje wobchować, doniž riziko swojowólnych nadpadow Irana njepopušći.

Trump ministerku pušćił

Washington (dpa/SN). Prezident USA Donald Trump je zwadnu ministerku za škit domizny Kristi Noem pušćił. Wot 31. měrca ma senator zwjazkoweho stata Oklahoma Markwayne Mullin za migraciju a škit mjezow USA zamołwity być. Tole zdźěli Trump na swojej internetnej platformje Truth Social. Senat bě ministerku Noem naposledk z wótrymi prašenjemi konfrontował, po tym zo běchu zastojnicy jeje ministerstwa dweju Američanow zatřělili.

Ukraina wumjetuje Madźarskej