Paris (dpa/SN). Čłonske kraje skupiny G7 chcedźa łódźam pomhać, zo móhli Hormusku dróhu wužiwać: Wójnske łódźe maja wikowanske łódźe a wolijowe tankery přewodźeć. Zo móhli tajke eskorty zmóžnić, trjebaja kraje wjacore tydźenje přihota, rjekny francoski statny prezident Emmanuel Macron po widejowej konferency statnych a knježerstwowych šefow G7 wo hospodarskich sćěhach wójny w Iranje. Wčera bu wolijowy tanker w Hormuskej dróze wot rakety trjecheny.

Iran: Wadephul jednostronski

Teheran (dpa/SN). Iran wumjetuje němskemu wonkownemu ministrej Johanej Wadephulej (CDU) jednostronskosć na dobro Israela. Rěčnik wonkowneho ministerstwa Ismail Baghaei rjekny, zo staja so Wadephul na stronu nadpadnika a ignoruje, zo je Israel Iran nadpadnył. Štóž njesprawnosć a grawoćiwosć přewidźi, steji na wopačnym boku stawiznow, wón rjekny. Wadephul bě na swojim wopyće w Israelu rjekł, zo dyrbi israelski lud ze stajnym wohroženjom žiwy być a zo steji jemu Němska solidarisce poboku.

Wuradźowanje bjez wuslědka