Brüssel (dpa/SN). Statni a knježerstwowi šefojo EU wšitkich wobdźělenych wójny w Iranje namołwjeja, so nadpadow na energiju a zastaranje z wodu wzdać. Na to su so na wjerškowym zetkanju w Brüsselu dorozumili. Woni namołwjeja strony „k deeskalaciji a najwjetšej zdźeržliwosći na dobro ciwilneje ludnosće a ciwilneje infrastruktury“. Israel je wčera iranske wudobywanišćo zemskeho płuna bombardował. Na to je Iran zawod za židki zemski płun w Kataru wobtřělał.
Dalše miliardy za wójnu
Washington (dpa/SN). Zakitowanske ministerstwo USA trjeba dalše 200 miliardow dolarow, zo móhło z wójnu přećiwo Iranej pokročować. Tole je zakitowanski minister Pete Hegseth nowinarjam potwjerdźił. „Njekmanikow morić, płaći pjenjezy“, Hegseth žadanje zakitowaše. Suma 200 miliardow dolarow móhła so hišće změnić, Hegseth rjekny. Prezident Donald Trump mjenowaše to „snadnu płaćizny za to, zo dale dobywamy“.
CDU w Mainzu před SPD
