Teheran (dpa/SN). Iran přiměr brónjow we wójnje přećiwo USA a Israelej wotpokazuje a žada sej město toho trajny kónc wójny. Tole rozprawja statny sćelak Irib. Po tym je Teheran posrědnikam dźesać dypkow wopřijacy katalog žadanjow sposrědkował. W nim Iran přiměr hladajo na „špatne nazhonjenja“ z USA wotpokazuje, wšako běchu USA a Israel nadpady na Iran wosrjedź wuradźowanjow wo atomowym programje Irana zahajili.
150 lětadłow zasadźili
Washington (dpa/SN). Na wuchowanju pilota wottřěleneho wojerskeho lětadła USA w Iranje bě wjace hač 150 lětadłow wobdźělenych. Tole je prezident USA Donald Trump nowinarjam zdźělił. Wulki dźěl mašinow bě na wšelakich městnach zasadźenych, zo bychu iranske wójsko zamylili. Zranjeny oficěr bě so w skałojtej kónčinje schował a tam zwisk k wójsku USA nawjazał. Skónčnje jeho namakachu a wuchowachu.
Za dróše piwo a cigarety
