Budyšin (CS/SN). Hač z Ukrainy, z Irana abo z kanclerskeho zarjada – wšědnje docpěwaja nas tak mjenowane Hiobske powěsće. Ale štó běše poprawom Hiob, a što praji nam stawizna wo nim dźensa? Spisowaćelka a publicistka Ines Geipel přednošowaše minjeny pjatk w Budyskej Pětrowej cyrkwi wo tutej temje we wobłuku ,,Budyskich narěčow“ pod hesłom ,,Ćahanje mjezow – konflikt, resursa abo labor? Situacija demokratije“.