Bonn (dpa/SN). W kónčinach Němskeje, hdźež je telekomunikaciska syć wosebje špatna, móža wužiwarjo w přichodźe testy přewjesć, zo móhli zrěčenje z poskićowarjemi dočasnje zakónčić chiba mjenje za to zapłaćić. Zwjazkowa agentura za syće je nětko wotpowědne prawidła wozjewiła, z kotrymiž hodźi so hižo wot lěta 2021 płaćiwe zakonske prawo wužiwać. Mjez druhim steji nowa app zwjazkoweje agentury k dispoziciji, z kotrejž hodźa so testy přewjesć.
Za kónc wójny w Libanonje
Washington (dpa/SN). Po prěnim zetkanju zastupjerjow Israela a Libanona we Washingtonje je sej skupina dźesać krajow kónc wojowanjow w Libanonje žadała. Kraje witachu njedawno mjez USA, Israelom a Iranom dojednany přiměr dweju tydźenjow. Ale tež w Libanonje měli brónje nětko mjelčeć. Aktualnje spekuluja dale wo druhim kole jednanjow mjez USA a Iranom. Tola z Washingtona dotal žane tajke powěsće njewuchadźeja.
Na jubileju stawkuja
