Zhorjelc/Žitawa (dpa/SN). 21 inscenacijow na šěsć jewišćach: 13. sakske zetkanje dźiwadłow w Zhorjelcu a Žitawje skići wot 21. do 26. apryla mnohostronski program z dźiwadłom, reju a musicalom. Nimo jědnaće měšćanskich, statnych a krajnych dźiwadłow ze Sakskeje předstaja tež ansamble z Pólskeje a Čěskeje swoje aktualne produkcije. Gerharta Hauptmannowe dźiwało, kotrež je hosćićel ­lětušeho zetkanja, chce mjezynarodne wusměrjenje swojeho dźěła w pomjeznej kónčinje Němskeje, Pólskeje a Čěskeje do srjedźišća stajić. „Wusměrjamy swój wid cyle wědomje přez mjezy dale do wuchodneje Europy a do swěta“, rjekny jeho intendant Daniel Morgenroth.

Do programa słušatej na přikład předstajeni noweho rejowaneho krucha ­„Romeo/Juliet Paradise“. Koprodukciju Zhorjelskeho dźiwadła z wuměłcami z Ruandy běchu 10. apryla prapremjernje předstajili. Dalši přinošk hosćićelow festiwala budźe inscenacija „Von dem Glück, Hrdlak gekannt zu haben“, kiž ­nasta po romanje ze samsnym titulom awtora Janoscha w kooperaciji z Lubuskim Teatrom Zielona Góra.