Pólska bě cil wuprawy jědnat­ka­rjow Serbskeho gymnazija w Bu­dy­šinje. Kónc měrca podachu so dohromady 51 šulerkow a šu­lerjow kaž tež štyrjo wu­čerjo do Krakowa a koncentraciskeho lěh­wa Auschwitz.

Prěni dźeń su sej zhromadnje z pólskej pře­wodnicu město wotkryli. We hłownej cyr­kwi wobhlada sej skupina Serbow tež rowy něhdyšich pólskich kralow, z ko­trychž bě­chu mnohe němskeho pochada. Po pře­staw­ce dźěše dale do něhdyšeje židow­skeje ­štwórće, kotraž hač do dźensnišeho wob­steji. Wottam pućowachu do něhdyšeho geta.