Köln (dpa/SN). Zastup za wopyt swěto­znateho Kölnskeho doma ma přichodnje 12 eurow płaćić, kaž tamniše tachantstwo dźensa wozjewi. Za kemšerjow kaž tež čłonow tachantskeho towarstwa je zastup nadal darmotny. Napřećo kritikarjam argumentuja­ zamołwići mjez druhim z tym, zo sej na dobro wudźeržowanja tež druhe sławne katedrale a cyrkwje hižo popłatk za zastup žadaja. Tak płaći na přikład tiket za baziliku Sagrada Familia w Barcelonje 26 eurow.

Florida wobskorži OpenAI

Tallahassee (dpa/SN). US-stat Florida wobskorži KI-firmu OpenAI, dokelž „wohrožuje ze swojej software ChatGPT zjawnu wěstotu“. W zapodatym skóržb­nym spisu generalneho statneho rěčnistwa naspomnja pady ze smjertnym wukóncom, w kotrychž běše KI-program wužiwarjow poradźował, kaž na přikład amokowca w zwisku z nadpadom na uniwersitu. Wosebje teenagerojo su přez wužiwanje chatbota „wulkim stracham wustajane“, skoržićeljo wuzběhuja.

Protestuja přećiwo lutowanjam