Koalicija paket z dohromady 34 naprawami předstajiła

Berlin (dpa/SN). Z paketom reformow, kotryž wobsahuje 34 dypkow, chcetej Unija a SPD Němsku z hospodarskeje krizy­ wjesć. Wot klětušeho chcedźa ludźi z niskimi a srjedźnymi mzdami z mjenje dawkami poćežować. Wolóženja, na kotrež běchu so nawodźa Unije a SPD dojednali, wučinjeja něhdźe dźesać miliardow eurow. Wot lěta 2028 maja ludźo z nich profitować. Konkretnje bě so koaliciski wuběrk kołowokoło kanclera Friedricha Merza (CDU) na pozběhnjenje zakładneje a dźěćaceje bjezdawkoweje sumy dojednał. Nimo toho chcedźa pawšalnu sumu za dźěłopřijimarjow a dźěćacy pjenjez powyšić. Dale ma sadźba dawkow mjenje sylnje stupać, za minijobby pak maja ludźo w přichodźe wjace dawkow płaćić.