Berlin (dpa/SN). Po tym zo je Jens Spahn (CDU) swoje zastojnstwo jako nawoda frakcije unije w zwjazkowym sejmje złožił, je so w Němskej diskusija wo požčenym maćerstwje wuwiła, kotrež je tu dotal zakazane. Nawodnica frakcije Zelenych Britta Haßelmann sej žadaše, zo měło so wo reprodukciskej medicinje znowa rěčeć. Kubłanska ministerka Karin Prien (CDU) ma zrozumjenje za pory, kotrež pomoc we wukraju pytaja. Wona pak njewěri, zo CDU swoje stejišćo w blišim času změni.

Wjac seksualnych deliktow

Wiesbaden (dpa/SN). Ličba padow seksualnych deliktow na dźěćoch a młodostnych je loni stupała. Slědźerjo mjez druhim zwěsćichu, zo je lěto a wjac njeskutkow z młodźinskimi pornografiskimi wobsahami a seksualneho znjewužiwanja dźěći bjez ćělneho kontakta. Wašnje skutkowanja so digitalizacije a technologiskeho dalewuwića kumštneje inteligency (KI) dla měnja. To wuchadźa z dźensa wozjewjeneje rozprawy studije, kotruž je mjez druhim zwjazkowy nutřkowny minister Alexander Dobrindt (CSU) předstajił.

Dowol dyrbi być