Washington (dpa/SN). Rada za měr, kotruž běchu USA iniciěrowali, je po wuprajenjach jich prezidenta Donalda Trumpa dojednanje wo dospołnym wotbrónjenju Hamas w Gazaskim pasmje zdźěłała. Po tym zo je Hamas wšě swoje brónje wotedała, zhubi so tež wójsko Israela z pasma, připowěduje Trump na swojej platformje Truth Social. Tole je monumentalna kročel na puću k dospołnemu měrej. Hamas je planam pječa přihłosowała. Mjezynarodna wojerska operacija ma w přichodźe měr kontrolować a so wo wěstotu starać.

Migranća w španiskej eksklawje

Ceuta (dpa/SN). Do španiskeje eksklawy w sewjernej Africe je w běhu mało dnjow 1 500 migrantow přišło. Zarjady w Ceuta su tuž alarměrowane. Regionalne knježerstwo žadaše sej wot centralneho knježerstwa w Madridźe, zo měło wone narodny nuzowy staw wuwołać a wójsko na mjezu Marokka słać. Ministerski prezident Pedro Sanchez dźensa do Ceuta pojědźe.

Wjace ludźi bjez dźěła