Budapest/Paks (dpa/SN). Historisce niskeho stawa wody w Dunaju dla je Madźarska swoju atomowu milinarnju blisko města Paks wupinyła. Madźarski Ministerski prezident Peter Magyar zdźěli w socialnych syćach, zo su wupinjenje poslednjeho wot dohromady štyrjoch reaktorowych blokow w nocy na njedźelu přihotowali. Milinarnja leži něhdźe 100 kilometrow južnje Budapesta a wužiwa wodu z Dunaja za chłódźenje.

Nadpad z bombu w Moskwje

Moskwa (dpa/SN). Samotwarjena bomba je sobotu wječor w hosćencu w štwórći Moskwy blisko coologiskeje zahrody rozbuchnyła a po informacijach zamołwitych zarjadow tři wosoby moriła a 21 hosći zraniła. Mjez woporami je žona, kotraž měješe z metalowymi kulkami pjelnjenu bombu w pakeće pod pažu, jako běchu ju wěstotni zastojnicy při zachodźe přepruwowali. Ruscy bloggerojo rozprawjeja w socialnych syćach, zo běše w hosćencu general ruskeho wójska Aleksander Tšajko swoje 55ćiny woswjećił.

Zhorjelc turistisce woblubowany