Rom (B/SN). Nowa DNA-analyza předstaja kompleksny wobraz stawiznow 4,40 metrow dołheho a 1,13 metrow šěrokeho smjertneho ruba z Turina. Studija je čłowječe, zwěrjeće a rostlinske herbske slědy z rozdźělnych kónčin zwěsćiła, wozjewi fachowy časopis Scientific Reports. Na rubje su tež slědy křižowaneho čłowjeka. Hač so wo Jězusa jedna, njeje jasne.

Wandalizm w Medźugorju

Sarajewo (B/SN). Po wandalizmje na hnadownym městnje Medźugorje je policija w Bosniskej a Hercegowinje pozdatneho skućićela zajała. Podhladny je wjacore postawy swjateje Marije z čornej barbu pomórał a hakle njedawno ponowjeny wołtar zapalił, rozprawjeja městne medije. K pjećdnjowskemu młodźinskemu festiwalej wočakuja wot 1. awgusta w Medźugorju 50 000 młodostnych z cyłeho swěta.

Nadpad na platformu