Köln (ots/SN). Němski zwjazk městow skedźbnja na dale a špatniše poskitki komunow w zjawnym wosobowym bliskowobchadźe. „Ličimy z tym, zo změjemy po cyłym zwjazku w sezonje 2026/2027 wjace hač dźesać procentow mjenje zwiskow w zjawnym bliskowobchadźe“, praji hłowny jednaćel zwjazka Christian Schuchardt wčera w interviewje z nowinu Kölner Stadt-Anzeiger. Jako přičinu mjenuje wón financnu mizeru komunow.

Swinjaca mrětwa w Braniborskej

Prenzlau (dpa/SN). W braniborskim regionje Uckermark su blisko pólskeje mjezy nowe pady swinjaceje mrětwy zwěsćili. Kónc julija běchu prěnje mortwe dźiwje swinjo z wirusom našli. Wokrjesny zarjad je škitne pasmo powjetšił a wěstotne naprawy za plahowarjow skotu wukazał. Braniborske agrarne ministerstwo z toho wuchadźa, zo su dźiwje swinje z Pólskeje wirus do Braniborskeje přinjesli.

Dalša KI-ataka w zjawnej syći