Sakska ministerka za strowotnistwo wopyta tuchwilu Južnu Koreju

Drježdźany/Seoul (dpa/SN). Swobodny stat Sakska chce wot Južneje Koreje wuknyć, kak z pomocu digitalizacije a moderneje techniki strowotniske zastaranje lěto a staršeje ludnosće zaručiš, a to najebać přemało fachoweho dorosta.

Wot minjeneho pjatka přebywa sakska ministerka za strowotnistwo Petra Köpping (SPD) na cyły tydźeń w južno­korejskej stolicy Seoulu, zo by so z tamnišimi zastupjerjemi strowotnistwa, hladanja a politiki zetkała. Mjez druhim přewodźeja ju při tym nawodnicy wjacorych sakskich chorownjow, hladanišćow, dobroćelskich zwjazkow a powołanskich zastupnistwow. „Chcemy nazorniše dohlady do južnokorejskeho strowotnistwa a spóznać, kotre naprawy tež w Sakskej zwoprawdźić móžemy“, zdźěli Köpping w nowinskej zdźělence ministerstwa. Južna Koreja spěchuje hladajo na swoju lěto a staršu ludnosć hižo dawno digitalizaciju a modernu techniku w strowotni­stwje, mjez druhim robotiku.