Erfurt (dpa/SN). Durinski krajny sejm ma na próstwu frakcije AfD 28. awgusta wo konstruktiwnym wotumje njedowěry přećiwo ministerskemu prezidentej Marijej­ Voigtej (CDU) wothłosować, zdźěla zarjadnistwo krajneho sejma. Je to lětsa­ hižo druhi raz, zo spyta předsyda frakcije AfD Björn Höcke, Voigta ze zastojnstwa wotwolić. Hižo w februarje pak bě Höcke zwrěšćił. Přičina za wotum je woteznaty doktorski titul Voigta.

China na prěnim městnje

Wiesbaden (dpa/SN). China běše tež w prěnim połlěće 2026 najwažniši wikowanski partner Němskeje. Wolumen importow a eksportow suměrowaše so wot januara do junija na 125,5 miliardow eurow,­ zdźěla Zwjazkowy zarjad za statistiku. Z tym je China před USA (123,7 miliardow eurow) a Nižozemskej (109,3 miliardow eurow). China bě hižo w lětach 2016 do 2023 najwažniši wikowanski partner Němskeje.

Trump hrozy Iranej