Njewjedra w dźělach Němskeje škody naparali – tornado w Braniborskej

Fürstenwalde/Offenbach (dpa/SN). Njewjedra su w dźělach Němskeje wulke škody naparali. Znajmjeńša jedna wosoba je při tym žiwjenje přisadźiła, dalše wosoby su zranjene. Dźesatki twarjenjow je njewjedro skóncowało. Wosebje w Badensko-Württembergskej a Bayerskej dyrbja so ludźo na dalše njewjedra nastajeć, warnuje Němska wjedrowa słužba DWD.

W porynsko-pfalcowskim Waldorfje je štom žonu zarazył. Dalšu žonu padace štomisko ćežko zrani, zdźěli policija. We wsy Höhr-Grenzhausen we Westerwaldskim wokrjesu je wichor sćěny ze znajmjeńša dweju domskich wutorhał. Padacych dźělow fasady dla su tež druhe twarjenja wobškodźene. Reporter powěsćernje dpa rozprawja wo tym, zo su so pječa wšudźe štomy powalili, na awtodróze A61 bě wichor awto spowróćił.