Schrift vergrößern
Połdra lěta dołho Worklečan Kilian van Dorp hižo na pišćelach w cyrkwjach zwučuje. Před něšto tydźenjemi je swój debit w Chróšćan cyrkwi dał, hdźež přewodźowaše kemšerjow a kemšerki na „kralownje instrumentow“. Z pomocu tachantskeho kantora Kamila Maksymiliana Kulawika bě so na to přihotował.Klemens van Dorp
Mnozy starši na tym wobsteja, zo hraje znajmjeńša jedne dźěćo w swójbje instrument. Tute zbožo ma tež Kilian van Dorp. Młody Worklečan njehraje jenož na pišćałkach – tež pišćele a klawěr njejsu jemu cuze. Nimo toho rady programěruje a trenuje prawidłownje pola medijowych skawtow w Budyšinje.
Hudźbna karjera
Husto hraje 14lětny Kilian w dueće na wubědźowanjach, ale tež na wosebitych swjedźenjach, kaž tu na komornym hudźbnym swjedźenju.
Dosć wužadowace je jemu hrać na basowej pišćałce, najwjetšim dujerskim instrumenće swojeje zběrki.
Tójšto připosłucharjow pak wobkuzłuje tež sam ze swojej hudźbu, na přikład ze swojej altowej pišćałku.
