Grodk (dpa/SN). Po informacijach Grodkowskeje policije su njeznaći w měsće tři kopolaki z mosaza pokradnyli, kotrež dopominaja na w času nacionalsocializma přesćěhowanych židowskich wobydlerjow. Statny škit kriminalneje policije je přepytowanja zahajił. Minjeny tydźeń běchu tež w Baršću wobškodźene a pokradnjene kopolaki zwěsćili, zdźěli krajnoradny zarjad wokrjesa Sprjewja-Nysa.
Müllermilch zakónči zrěčenja
Podstupim (SN). Najwjetša němska priwatna mlokarnja Müllermilch ze sydłom w bayerskim Aretsriedźe je dodawanske zrěčenja z mnohimi braniborskimi mlokowymi burami ke kóncej lěta wupowědźiła. To zdźěli krajny burski zwjazk póndźelu na sćelaku rbb. Kelko burow je dokładnje potrjechenych, dotal jasne njeje. Předewšěm zawody ze srěnjej wulkosću, to rěka z něhdźe 400 do 800 kruwami, na sewjeru a wuchodźe Braniborskeje su wupowědźenje dóstali. Předewzaće Müllermilch so k naležnosći dotal wuprajiło njeje.
Smě jendźelske rakety zhotowjeć
