Berlin/Neuhardenberg (dpa/SN). W zwisku z diskusiju wo zawjedźenje danje za cokor minjene dny staj so zwjazkowy kancler Friedrich Merz (CDU) a zwjazkowy­ financny minister Lars Klingbeil (SPD) na kromje klaw­surneho zeńdźenja knježerstwa słowa jimałoj. Wobaj wuzběhnyštaj, zo dań za napoje ze słódnidłom město cokora njepřińdźe. „W tutym nastupanju smy sej w koaliciji přezjedni“, Merz wu­zběhny.

Z awtom do skupiny ludźi zajěł

Caen (dpa/SN). W francoskim měsće Caen blisko atlantiskeho pobrjoha je muž po zwadźe ze swojim awtom do skupiny ludźi zajěł. Po aktualnych rozprawach lokalnych medijow sta so podawk wčera wječor při busowym zastanišću blisko dwórnišća. Jedna wosoba při tym zemrě, dźesać ludźi bu zranjenych, štyri z nich chutnje. 26lětneho skućićela ruskeho pochada je policija zajała. Teroristisku motiwaciju za njeskutkom zamołwite zarjady dotal njespóznawaja.

Kónc kołbaskow z Halberstadta