Zhorjelc/Budyšin (SN). W zwisku z dezastroznym wólbnym wuslědkom CDU w Saksko-Anhaltskej staj so Zhorjelski krajny rada Stephan Meyer, kotryž je zdobom tamniši wokrjesny městopředsyda CDU, kaž tež Steffen Roscheck, šef CDU w Budyskim wokrjesu słowa jimałoj. Meyer zwurazni: „Hdyž Friedrich Merz politisku změnu njezmištruje, dyrbimy sej prašenje za nowym nawodnistwom stajić“. Roscheck praji: „Nanajpozdźišo nětko dyrbjał kóždy w CDU spóznać: Trjebamy nowy personelny započatk.“

Wójnska technika město awtow

Osnabrück (dpa/SN). Po kóncu produkcije awtow, kiž je němski awtotwarc VW za lěto 2027 w Osnabrückskim zawodźe wobzamknył, ma tam t. mj. kompetencny centrum za wěstotnu a zakitowansku techniku nastać. Wotpowědne dojednanje su koncern VW, kraj Delnja Sakska a inwestor Aurelius Capital wčera podpisali. Po planje přewozmjetaj Delnja Sakska a inwestor stejnišćo a chcetaj něhdźe 1 400 wot tuchwilu 1 800 dźěłowych městnow zdźeržeć.

Dalši wuznawarski list nadešli