Zwada wo sydlenski rum w Braniborskej bolostna a wuspěšna była

Podstupim (SN/mb). Nowe wobličo w radźe Załožby za serbski lud: 62lětna dr. Friederike Haase, statna sekretarka w krajnym ministerstwje za dźěło, socialne, strowotu a towaršnostnu zhromadnosć, Braniborsku wot najnowšeho w tutym gremiju zastupuje. Na wčerawšim posedźenju Rady za naležnosće Serbow w Braniborskej blisko Düsseldorfa rodźena přećelna juristka wuzna, zo dotal wjele zdaća wo Serbach nima a zo změje tohodla najskerje husćišo z wida Serbow spodźiwne prašenja. Čłon serbskeje rady, Měto Nowak, wotmołwi, zo je to lěpje hač ludźo, kotřiž maja spodźiwne měnjenje a so wo lěpšu wědu njeprócuja.