Premjera Němsko-Serbskeho ludoweho dźiwadła publikum zahoriła

Haslow (SN/bn). Sobu spěwacy a rejowacy wopytowarjo, štyri hudźbne přidawki a runje telko „zawěškow“ (tak rěkaja w branši přidatnym nastupam na jewišćo, kotrež sej aplawdowacy publikum po předstajenju wot akterow žada), swědča wo poradźenym wječoru. Žurla Bizoldec hosćenca wuprudźeše předwčerawšim wulkotnu atmosferu. Lětdźesatki dołho bě Haslow ze synonymom za sobu najrozwólniše serbske swjedźenje w Hornjej Łužicy – tak běše tež tutón kónc tydźenja zaso. Zamołwite bě za to Němsko-Serbske ludowe dźiwadło, kotrež swoju najnowšu hornjoserbsku inscenaciju „Juhu! Floppy Dolls su zaso tu!“ premjernje předstaji.