Łužičanska rapsodija a hosćo dopokazali: Serbska folklora njeje zastarska

Budyšin (SN/bn). „Najrjeńšo je zhromadnje“ rěkaše rejowanska skupina Łužičanska rapsodija gali, z kotrejž minjeny kónc tydźenja swoje třeće narodniny woswjeći. Tehdy jako projektowy cyłk za we wobłuku Smochčanskeho hudźbneho swjedźenja za program „Pólskej nocy“ wutworjene ćěleso je mjeztym z krutym dźělom dorostoweho studija Serbskeho ludoweho ansambla. Wotpowědnje powitaštaj intendant Tomas Kreibich-Nawka a jednaćelka Diana Wagnerec hosći předwčerawšim na wupředatej žurli SLA. Wonaj dźakowaštaj so rapsodiji za „tři lěta połnje hudźby, zetkawanjow a dožiwjenjow. Wy sće dopokaz, zo so młodźina za serbsku kulturu hori a zo njeje folklora ničo zastarske. Łužica je wam fundament a zdobom žórło, z kotrehož čerpaće.“