Zhorjelc (AK/SN). Ze snadnej wjetšinu su radźićeljo Zhorjelskeho wokrjesneho sejmika na swojim posedźenju minjeny tydźeń próstwu frakcije AfD wo zakónčenje financowanja witanskeho centera Zhorjelskeho wokrjesa wotpokazali. 31 čłonow sejmika je so za zakónčenje wuprajiło, 33 čłonow bě přećiwo tomu, třo radźićeljo so hłosa wzdachu.
W lěće 2024 załožene zarjadnišćo z běrowomaj w Zhorjelcu a Žitawje ma z tu- a wukraja přichadźacych fachowcow hladajo na dźěłowe poskitki a móžnosće, ale tež nastupajo druhe žiwjenske wobłuki – na př. bydlenje abo pěstowarnju – poradźować. Tež předewzaća we wokrjesu sobudźěłaćerjo centera poradźuja. Kóšty za personal njese Zhorjelski wokrjes, dalše wudawki pak financuje kraj Sakska.
