Twar Serbskeho foruma wědy z prěnim zarywom zahajili

Budyšin (SN/MiP). Lisćina hosći politiskeje a zarjadniskeje prominency, kotrychž staj direktor Załožby za serbski lud Jan Budar a předsyda załožboweje rady Marko Kowar wčera na Budyskim Lawskim arealu powitałoj, běše dołha. Na prěni zaryw za Serbski forum wědy – za „tón historiski projekt Serbow we wutrobje Budyšina“, kaž to Jan Budar w swojich postrownych słowach zwurazni – běštaj nimo krajneho rady Uda Witschasa, Budyskeho wyšeho měšćanosty Karstena Vogta a Budyskeho zapósłanca w Sakskim krajnym sejmje Marka Šimana tež sakski ministerski prezident Michael Kretschmer a sakska ministerka za kulturu a turizm Barbara Klepsch (wšitcy CDU) přichwatałoj.