Rom (dpa/SN). Bamž Leo XIV. je po swojej operaciji na płucach w nocy měrnje spał. Wčera su bamža suka w płucach dla w romskej Gemelli-chorowni operowali. Při tym dyrbjachu delnju lapu praweho płuca wurězać. Suk bě so mjenujcy jako tak mjenowany adenokarcinom wopokazał, zła to družina raka. Po wuprajenju ekspertow je tole najčasćiša forma raka płucow. W běhu dnja chcedźa dale wo strowotniskim stawje 71lětneho informować.

Benko njeje hižo w jastwje

Innsbruck (dpa/SN). Inwestor imobilijow René Benko hižo dlěje w jastwje sedźeć njetrjeba, ale smě so do domjaceho aresta podać. Wotpowědnej próstwje załožerja koncerna Signa je krajne sudnistwo w Innsbrucku sćěhowało. Prawiznik Benka bě argumentował, zo móže so jeho mandant jenož zwonka jastwa w dosahacej měrje na dalše sudniske jednanja přihotować.

Protesty eskalěrowali