Lěwica, Zeleni a SPD w Berlinje měrja so na jednanja wo koaliciji

Bonn/Berlin (dpa/SN). Po tym, zo su so Lěwica, Zeleni a SPD w Berlinje na jednanja wo móžnej koaliciji dorozumili, hrozy Unija z konsekwencami na zwjazkowej runinje. Předsyda CSU Markus Söder podpěruje rozsud Młodeje Unije, kotraž sej žada, zo krajne knježerstwo stolicy pod nawodom Lěwicy hižo informacije tajnych słužbow kaž tež Zwjazkoweho kriminalneho zarjada njedóstanje. „Hdyž wo palnych murjach rěčimy, potom trjebamy skerje tajke na lěwy bok“, rjekny ministerski prezident Bayerskeje na zetkanju Młodeje Unije w Bonnje, kotremuž sama „Deutschlandtag“ rěka. „Z tajkimi mocami njesměła so Němska na čole identifikować móc“, wón doda.